It's my wonderland

相信每個女生都喜歡購物，有人喜歡買衣服，有人喜歡買鞋，有人喜歡買手袋，有人喜歡買家俱，有人喜歡買家庭用品。

無論喜歡買什麼，我想總會聽過「又買？」「新的嗎？」等查問。說的人可能是父母，可能是配偶，也可能是朋友，面對這樣的查詢，我的回答會是「唔係呀，舊的！」（賭對方唔記得！）「買左好耐啦，你無留意啫！」又或者「著左好多次啦！」（賭對方唔記得之餘仲大返佢！），對方聽後多默不作聲，唯一例外是Yuki。

某一天的早上，穿好鞋子趕上班，

Yuki：「媽咪，你又買新鞋？」

我：「唔係吖，之前著過啦。」

Yuki：「唔係喎，都未見過你著，明明係新嘅！」

我：（真係唔係第一次著，噢，上次著時Yuki見唔到）「真係著過啦，上次著你返左學見唔到咋！」

Yuki：「係咩？幾時？」

我：「上星期有一日我要開會，無陪你等校車，你出門先嘛！」（是事實！）

Yuki：「哦！」

聽著我倆對話，Yukipapa在偷笑中！

 

如此這般的對話出現了數次後，發現每次穿新衣或新鞋，用新手袋，都逃不過小Yuki的眼睛，從此以後唯有乖乖的招認。

 

又一次被發現用新手袋：

Yuki：「媽咪，你個手袋係咪新o架？」

我：「係呀，新買o架！」（我是乖小孩）

Yuki：「好靚呀！可唔可以，留返俾我大個用呀？」

我：「好呀！」

 

又另一次被發現的是新衣：

Yuki：「媽咪，你著新衫呀？」（百問百中！）

我：「係呀」

Yuki：「點解你成日都買新衫？」

我：「無呀，邊有成日？返學啦！」（忽忙改變話題）

 

除了多了個女兒，還多了一個管家婆！